Tilhugalíf miðaldra konunnar

Hverjum dettur í hug að starta bloggsíðu nú til dags? Mér. En hver er ég? Ég mun ekki beint gefa upp upplýsingar sem gæti gefið til kynna hver ég er. En eitthvað get ég sagt. Ég er fráskilin, íslensk kona á miðjum aldri. Þar sem krakkarnir mínir voru orðnir fullorðnir snillingar þá datt mér í hug að gera eitthvað spennandi fyrir mig sjálfa. Og fyrir nokkrum árum síðan flutti ég til annars lands að leita að ævintýrum. Og þar sem ég er einhleyp þá eru sum ævintýrin tengd tilhugalífinu. Þetta blogg mun einmitt og einungis fjalla um það.